Sulmuesi i Newcastle United, Alexander Isak, është detyruar të largohet nga skuadra e Suedisë për ndeshjet ndërkombëtare të këtij muaji për shkak të lëndimit.
Një dëmtim në gju e detyroi Isak të largohej herët në barazimin e fundit të Newcastle në Premier League me West Ham.
Ai u grumbullua me Suedinë përpara miqësores së ardhshme në shtëpi kundër Moldavisë dhe kualifikueseve për Euro 2024 në Belgjikë, me stafin mjekësor që kryen një vlerësim.
“Alexander Isak largohet nga skuadra kualifikuese e ekipit kombëtar të meshkujve për Kampionatin Evropian”, thuhet në një deklaratë të Suedisë.
“Sulmuesi i Newcastle erdhi në grumbullim me një raport dëmtimi nga ndeshja e së dielës kundër West Ham dhe iu nënshtrua një ekzaminimi nga ekipi mjekësor i kombëtares suedeze të hënën. Pas kësaj, është e qartë se Isak nuk është i disponueshëm për ndeshjet e javës së ardhshme dhe do të mungojë për ndeshjen kualifikuese për Kampionatin Evropian kundër Belgjikës të hënën e ardhshme”.
