Kevin Nolan i dërgon një mesazh të qartë Eden Hazard-it.
Ndihmës trajneri i West Ham, i intervistuar nga TALKsport, ka folur publikisht për ish-lojtarin e Real Madrid-it, i cili pak ditë më parë vendosi të tërhiqej nga futbolli:
“Jam i sigurt se nëse ai do të donte të vinte në stërvitje, sigurisht që do të isha i gatshëm ta mirëprisja. Nuk e di për Moyes, por sigurisht që do të doja ta shihja”.
Më pas Nolan vazhdon:
“Ka kaluar disa prej viteve më të mira në Premier League dhe ka realizuar disa prej golave më të bukur.
Është e trishtueshme që në moshën 32-vjeçare ai vendosi të tërhiqej, me gjithë sinqeritet, sepse besoj se dikush i kalibrit të tij mund të luajë në nivelin më të lartë për shumë ekipe, për më shumë vite.
“Unë nuk do të habitesha nëse ai do të bënte një kthesë të vogël në gjashtë muajt e ardhshëm ose vitin e ardhshëm. Scholes gjithashtu ishte tërhqur, pastaj Ferguson e thirri atë…
“Diçka e tillë mund të ndodhë me Hazard sepse ndoshta dikush është i gatshëm t’i japë atij mundësinë dhe t’i thotë: ‘Eja dhe luaj për ne për gjashtë muaj'”.
