Nuk ka fund skandali në Itali me lojtarët që vendosin baste në mënyrë të paligjshme në faqe interneti pirate, edhe për skuadrat e tyre, në kundërshtim me të gjitha rregulloret.
Paparaci i njohur Fabricio Korona, pasi ka folur për Faxholi, Tonali dhe Zaniolo, sot nëpërmjet faqes së tij në internet ka zbuluar identitetin e një futbollisti të katërt.
Portali “Dillinger News” ka bërë të ditur se emri i katërt për të cilin do fillojë hetim nga policia italiane është ai i Nikola Zalevskit, futbollistit polak të Romës, i cili gjithashtu është mes atyre që frekuentojnë rregullisht faqet e paligjshme të basteve duke vendosur shuma të rëndësishme.
Ndërkohë, është bërë e ditur se së shpejti do të publikohen edhe emra të tjerë, pasi lista është shumë e gjatë dhe sigurisht, nuk përfshin vetëm futbollistë, por edhe njerëz të tjerë të njohur në Itali.
