Sulmuesi brazilian Nejymar Xhunior thuhet se ka përfunduar sezonin pas një dëmtimi të rëndë të pësuar në humbjen e Brazilit nga Uruguai.
Brazili ka humbur 2:0 në udhëtim te Uruguai në kuadër të kualifikueseve të Amerikës së Jugut për Botërorin 2026, që do të mbahet në SHBA, Kanada dhe Meksikë.
Përveç humbjes, “Selecao “ka humbur edhe lojtarin kryesor të skuadrës, Neymar, i cili vetëm dy muaj pasi kaloi nga Paris Sen Zhermeni te Al Hilal në një transferim prej gjysmë miliardë eurosh dhe pas kthimit nga një nga dëmtimet e shumta, u lëndua përsëri rëndë.
Sulmuesi u dëmtua në një duel me kundërshtarin duke kërcyer gabimisht. Në të njëjtin moment, duke qarë dhe duke bërë gjeste në agoni, ai u rrëzua dhe filloi të vajtoi.
Ishte e qartë se ai nuk mund të vazhdonte. Duke qarë, e morën nga fusha me barelë në minutat shtesë të pjesës së parë. Raportet e para nga ekspertët thonë se është evidente se ai ka pësuar një dëmtim rrotullim të gjurit dhe zhvendosje të tibisë. Mirëpo dyshohet për një dëmtim të rëndë të ligamenteve të kryqëzuara të gjurit të këmbës së majtë dhe të meniskut.
