“Informacionet i kam marrë nga daja i ish-futbollistit të Interit, pjesë e tripletës në vitin 2010“, deklaroi Fabrizio Corona në lidhje me çështjen e basteve që ka tronditur futbollin italian.
Ky i fundit publikoi se lojtarë si Tonali, Zaniolo, Fagioli dhe Zalewski kanë luajtur baste sportive të paligjshme, teksa sot nxorri edhe 3 emra të tjera: Gatti (Juventus), Casale (Lazio) dhe El Shaarawy.
Ndërkohë, “spiuni” është daja i Antonio Espositos, ish-anësorit të majtë të zikaltërve të Interit.
“Unë fola me Fabrizion dhe i thashë vetëm fakte të vërteta që mund të verifikohen.
E bëra për të ndihmuar nipin tim, Antonio Espositon, i cili është në dijeni të basteve të paligjshme të futbollistëve.
Nipi im luante për Interin, por më pas ai theu të dy ligamentet dhe filloi të punonte si prokuror.
Ai fitoi Champions League pa luajtur asnjë minutë, Mourinho e adhuronte Antonion“.
Kështu deklaroi Maurizio Petra, daja i futbollistit 33-vjeçar, i cili vazhdon të luajë futboll në nivele të ulëta në Itali.
