Mediat arabe konfirmojnë se Cristiano Ronaldo ka kontaktuar personalisht me mesfushorin belg Kevin De Bruyne, për ta bindur atë të transferohet te skuadra e Al Nassr.
Ky do të ishte një transferim i bujshëm, që do të trondiste mjaft botën e futbollit.
De Bruyne ka një kontratë deri në vitin 2025 me Manchester City, por palët ende nuk kanë nisur diskutimet për rinovimin e sj. Madje ato janë shtyrë, deri në momentin që mesfushori i talentuar belg të rikuperohet nga dëmtimi.
Ai i dëmtua që në takimin e parë sezonal.
Pavarësisht kësaj, Al Nassr kërkon të hidhet në sulm dhe të sigurojë këtë transferim, duke bërë bashkë dy nga kampionët e futbollit. Mediat arabe shprehen se kontaktet e para kanë nisur që këtë verë, ndërkohë që këto bisedime pirtet të jenë më intensive në vijim.
Në mes ka hyrë edhe Cristiano Ronaldo, për të bindur De Bruyne, që e admiron shumë. Al-Nassr dëshiron të shpjegojë projektin afatgjatë me shpresën për të bindur belgun të bëjë një kalim të jashtëzakonshëm në Lindjen e Mesme, për të luajtur jo vetëm me CR7 por edhe me Sadio Mane, Marcelo Brozovic dhe Aymeric Laporte.
