Skena të shëmtuara janë regjistruar para duelit mes Marsejës dhe Lionit, i vlefshëm për kampionatin francez.
Fabio Groso, ish-kampioni i botës me Italinë, aktualish, trajneri i Lionit, u plagos në fytyrë dhe u detyrua të kërkonte trajtim mjekësor për dëmtimet e tij.
Tifozët e Marsejës, sulmuan autobusin e Lionit, duke thyer dy xhama, nga ku mbeti i plagosur edhe Groso.
Pamje të përgjakshme, që nuk kanë lidhje aspak me një ndeshje futbolli.
Pasi u mjekua, Groso u pa në stadium, me fytyrën e fashuar, teksa do të drejtojë skuadrën në kushte aspak komode.
Fasha që mbështjell kokën e tij dhe mbulon syrin e majtë i dërgon të dridhura në shtyllën kurrizore.
