Skuadra e Real Madrid vijon procesin e rinovimit të skuadrës dhe ndërtimit të një ekipi me yje.
Objektivi i radhës i “Los Blancos” është mbrojtësi portugez Gonzalo Inacio, që luan me Sporting CP. Për të është interesuar edhe Liverpulli. 22-vjeçari ka një kontratë deri në vitin 2027 me portugezët dhe një klauzolë prej 60 milionë eurosh për t’u larguar.
Sipas të përditshmes spanjolles “AS”, skuadra e Real Madrid është gati të paguajë këtë shumë për të siguruar shërbimet e mbrojtësit të qendrës.
Kjo lëvizje në merkato bëhet për shkak të problemeve fizike që ka patur Eder Militao, që do të mungojë gjatë. Gonzalo Inacio po shkëlqen edhe me kombëtaren e Portugalisë, me dy gola të shënuara në 4 ndeshje.
Edhe vetë Inacio ka shprehur dëshirën e tij për t’u tansferuar në Madrid, për të ndjekur gjurmët e idhujve të tij, Figo e Kristiano Ronaldo. Skuadra madrilène ka nisur pa shumë zhurmë bisedimet për të gjetur një marrëveshje me Sporting, për të siguruar shërbimet e mbrojtësit.
