Moment delikat për Manchester United, me disa pengesa për të kapërcyer që nga fillimi i vitit. Nga ngjarjet Antony-Sancho te rezultatet e dobëta të marra nga Erick Ten Hag deri më tani këtë sezon.
E gjitha kjo i bashkohet largimeve të ndryshme që klubi anglez do të duhet të bëjë domosdoshmërish në kërkim të një ekipi për Varane dhe Casemiro.
Nga ikona te Real Madrid, dy lojtarët tani konsiderohen të tepërt në Old Trafford, aq sa vetë aksionari i ardhshëm i Djajve të Kuq, Jim Ratcliffe, së bashku me Ten Hag, do të kishin vendosur tashmë se e vetmja rrugë për të dy ish-lojtarët e Los Blancos është shitja në merkaton e janarit.
Gjithsesi, situata nuk është e thjeshtë dhe sidomos për Raphael Varane.
Një nga klubet e interesuar për francezin ishte Bayern Munich, por Bild ka bërë të ditur se kampionët e Gjermanisë kanë dalë nga gara.
Në fakt, siç shpjegohet nga gazeta gjermane, bavarezët nuk janë të bindur nga operacioni për dy arsye: kostot (paga e lartë) dhe mbi të gjitha mosha, 30 vjeç, që nuk përputhet me politikat e klubit, që ndoshta do të kërkojë disa profile me më perspektivë në atë pozicion.
