Florain Virc po drejton Bajer Leverkusen drejt një sezoni spektakolar, “aspirinat” nuk njohin asnjë humbje në të gjitha garat dhe kontributi i talentit 20-vjeçar ka nj rol jetik, aq sa klubet elitare në Europë kanë filluar të bëjnë lëvizjet e para.
Bajern Mynih s’kishte sesi ti mungonte kësaj liste. Bavarezët janë dëshmitarë se çfarë potenciali ka Virc dhe do ishte e vështirë ta “përtypnin” largimin e mesfushorit larg Gjermanisë, kur analistët e kanë etiketuar si e ardhmja e kombëtares gjermane, së bashku me Musialën.
Por në këtë “mesele” ka edhe një problem të “kripur”, konkretisht pretendimet e Leverkusenit, të cilët si padronët e kartonin të Vircit nuk bëjnë kompromis me asnjë palë të interesuar, pa u ardhur në tavolinë, të paktën 100 mln euro.
“Bild” ka ndjekur diskutimet në bordit e Bajernit, ku përflitet se ata po planifikojnë të shesin një lojtar me vlerë të lartë, shitje që do u siguronte një grumbullim të konsiderueshëm të ardhurash. “Viktimat” – Prestigjiozja në fjalë ka futur në “rrjetën” e sakrifikimit 4 lojtarë me peshë në Mynih, konkretisht Xhamal Musiala, Serzh Gnabri, Leroi Sane dhe Joshua Kimish. Musiala nuk e ka marrë ende vendimin mbi të ardhmen dhe nëse ai do largohet, Virci do mbulonte pa problem pozitën e njëjtë në fushë.
Nga ana tjetër, Kimishi ndodhet mes pasigurive te klubi bavarez. Rendimenti i luhatshëm dhe nevoja financiare, mund të çojë në largimin e tij nga Bajerni mund ti jap duart. Sane mbetet opsioni më pak i mundshëm, ndërsa Gnabri vështirë se sjellë 100 mln euro.
