Joan Laporta ka qenë në Arabi këto ditë, në kërkim të burimeve të reja të të ardhurave. Presidenti i Barçës ka shqyrtuar situatën aktuale në një intervistë për gazetën “Asharq Al-Awsat”. Mbi të gjitha, dy emra të përveçëm në tryezë, Cancelo dhe Joao Félix.
Drejtuesi i lartë i klubit katalanas është optimist për vazhdimësinë e të dyve dhe njofton se kontaktet me ta do të fillojnë së shpejti:
“Ne jemi të interesuar që ata të qëndrojnë te Barça. Po planifikojmë t’i nisim këto negociata në një periudhë të shkurtër kohore. Siç e dini, Deco po planifikon mënyrën më të mirë për të negociuar. Ne kemi një miqësi të bukur me Atlético Madrid dhe Manchester City”.
Për më tepër, Laporta nuk e ka fshehur se objektivi kryesor i këtij sezoni është fitimi i La Liga-s dhe se e sheh ekipin të aftë për ta bërë këtë: “Jam i bindur se do t’ia arrijmë, sepse i kemi rikuperuar lojtarët e dëmtuar në qendër të fushës. Siç mund të shihej kundër Atlético Madrid, ne e kontrollojmë sërish ndeshjen, kemi posedimin e topit. Dhe kur Barça ka topin, bëhet i pamposhtur”.
Pikërisht, katalanasit kanë një ndeshje kyçe nesër, të dielën. Ata do të përballen me Girona, që është bashkëlidere në klasifikim, pas fillimit spektakolar të kompeticionit. Laporta është plot lëvdata për skuadrën e Míchel, madje beson se mund të jetë në Ligën e Kampionëve sezonin e ardhshëm:
“Ata po bëjnë një sezon të mrekullueshëm, po luajnë shumë mirë, shpirti i ekipit është shumë i fortë. Ju e dini, si katalanas, jam shumë, shumë i lumtur që Girona, përmes ekipit të saj, njihet në të gjithë botën. Për mua ka shumë potencial për të luajtur në Ligën e Kampionëve sezonin e ardhshëm”.
Sa i përket Champions League, Laporta siguron se, nëse do të kenë në dispozicion të gjithë lojtarët, do të jenë një nga kandidatët për ta fituar trofeun: “Mendoj se të gjithë e dinë se Barça do të jetë favorite për ta fituar Ligën e Kampionëve”.
