Misioni i përmbushur për Napolin, që mundi Bragën dhe fluturoi në 1/8 finale të Ligës së Kampionëve, pas Real Madridit në grup, duke mbetur në garë për Botërorin e Klubeve.
Diçka më u përmbush misioni për Interin, i cili u ndal në shtëpi nga Real Sociedad me barazimin pa gola, çka la spanjollët në vendin e parë në grup.
Dy kualifikime si të dytat në grupet respektive, çka e bën shortin e skuadrave italiane vërtetë drithërues më 18 dhjetor. Skuadrat italiane, sido që ta shikoni, sigurisht që nuk do të kenë një short të thjeshtë 1/8 final.
Në pritje të ndeshjeve të sotme, deri më tani emrat e skuadrave të kualifikuara si të parat në grupe të bëjnë të dridhesh vetëm duke i lexuar: Bajern Munihu, Arsenali, Real Madridi dhe Man. Siti.
Një “poker” i emrave të mëdhenj të futbollit europian, të cilit me shumë gjasa do t’i bashkohen edhe Barcelona me Atletiko Madrid (duke përjashtuar një sukses të Lacios në “Vanda Metropolitano”), të cilat përballen në 90 minutat e fundit të grupeve me dy rezultate nga tre në dispozicion (Blaugrana-t gjithashtu mund të humbasin, nëse Porto dhe Shakhtar barazojnë ndeshjen e tyre).
Kundërshtari i fundit i mundshëm në vend të kësaj do të jetë mes Borusia Dortmundit dhe PSZH-së, të cilët do të garojnë sonte në Gjermani për vendin e parë në grup, me gjermanët gjithashtu në gjendje të barazojnë.
Shorti për raundin e parë me eliminim direkt të edicionit 2023-2024 )1/8 finale) do të hidhet në Nion, në selinë e UEFA-s, të hënën e 18 dhjetorit, në orën 12:00. Ndeshjet e para 1/8 finale do të luhen më 13, 14, 20 dhe 21 shkurt 2024. Ndeshjet e kthimit do të luhen më 5, 6, 12 dhe 13 mars.
