Një super kompjuter ka parashikuar fituesin mes Liverpool dhe Manchester United përpara ndeshjes së madhe që zhvillohet sot në orën 17:30 në “Anfield”.
Ndeshja vjen në një kohë kur dy skuadrat po kalojnë momente të kundërta. United ka pasur një ecuri zhgënjyese deri më tani këtë sezon.
Pika më e ulët erdhi në mesjavë kur “Djajtë e Kuq” u eliminuan nga Champions League, duke dalë të fundit në grupin e tyre.
Nga ana tjetër, Liverpool aktualisht kryeson renditjen e Premier League me 37 pikë pas 16 ndeshjesh.
Një super kompjuter në Betvictor ka zbuluar se skuadra e Jurgen Klopp është favorite për të fituar ndaj United.
Të Kuqtë, në fakt, kanë një shans 63.1 për qind për të siguruar të tri pikët. Mundësitë e Djajve të Kuq duken të zymta, me vetëm 16.4 për qind shanse për fitore.
Manchester United nuk ka fituar në Anfield për gati shtatë vjet, me fitoren e tyre të fundit që ka qenë në vitin 2016.
