Prej disa kohësh, Matthjs De Ligt nuk ka qenë më i rëndësishëm në projektin e Thomas Thuchel te Bayern Munich.
Pasi mbërriti dy sezone më parë nga Juventusi për 67 milionë euro, mbrojtësi holandez nuk ka arritur kurrë të përshtatet siç duhet në Gjermani.
Për më tepër, këtë vit De Ligt gjithashtu pësoi një dëmtim të rëndë në gju që nuk e lejoi të arrinte formën më të mirë dhe për këtë arsye të bëjë pak paraqitje dhe të mos jetë më një lojtar kyç për Bayern Munich.
Për këtë arsye, së shpejti mund të jetë koha për të thënë lamtumirë për të. Ndoshta jo në sesionin e ardhshëm të merkatos së janarit, por ndoshta gjatë verës.
Në Angli, në fakt, The Athletic flet për një interes konkret nga ana e Arsenalit për ish-qendërmbrojtësin holandez të Juventusit, i cili – siç u përmend – do të shkonte në Premier League vetëm nga vera e ardhshme.
Me përjashtim të skenarëve aktualisht të pamundur, De Ligt do të qëndrojë në Gjermani këtë sezon dhe, në pjesën e dytë të sezonit, do të përpiqet të konfirmohet te bavarezët.
Ndërkohë, në Angli janë të sigurt: Bayern Munich është hapur për shitje dhe tashmë Arsenali është gati të hidhet në sulm.
