Viti 2023 mori fund dhe tash është koha për t’i bërë llogaritë.
Faqja e Instagramit “FTBL” ua ka dhënë mundësinë tifozëve që ta zgjedhin ekipin ideal të vitit.
Mbi 100 mijë vota të tifozëve e kanë sjellë ekipin më të mirë të vitit që shkoi.
Sulmi përbëhet nga treshja e frikshme, nga veteranët Ronaldo e Messi dhe nga Vinicius Junior.
Mesfusha po ashtu ka lojtarë të mëdhenj si Jude Bellingham, i cili po kalon momente magjike, dhe nga dy kampionët anglezë, evropianë dhe botërorë, Kevin de Bruyne e Rodri.
Katërshja e mbrojtjes përbëhet nga Dimarco i Interit, Saliba i Arsenalit, dhe nga dyshja e Barcelonës, Araujo e Cancelo.
Kurse, në portë ka përfunduar Alisson i Liverpoolit.
