Ylli i Real Madridit, Eduardo Camavinga, ka bërë zgjedhjen e tij për lojtarin e ‘më të madh të të gjitha kohërave’ dhe nuk është as Cristiano Ronaldo dhe as Lionel Messi.
Edhe pse afër të dyzetave, Ronaldo dhe Messi vazhdojnë të dominojnë debatin, pasi kanë luftuar për titullin ‘e më të mirit’ për më shumë se 15 vjet.
Për shumë njerëz, Messi e zgjidhi në mënyrë efektive debatin duke fituar Kupën e Botës FIFA 2022 me Argjentinë, duke kompletuar kështu kabinetin e tij të trofeve. Sidoqoftë, kjo nuk i ka ndaluar fansat e tyre të vazhdojnë të bëjnë krahasimet.
Tifozët e Ronaldos vazhdojnë ta mbajnë gjallë debatin falë golave në moshën 38-vjeçare në Arabinë Saudite me Al-Nassr, mbi gjithçka tjetër që ai ka arritur.
Kohët e fundit, Camavinga u bë ylli i fundit që dha mendimin e tij në lidhje me temën, por ai nuk zgjodhi as portugezin dhe as argjentinasin. Një video ka dalë në sipërfaqe ku francezi mund të shihej duke zgjedhur midis dy lojtarëve në disa raunde para se të zgjidhte më të mirin në fund.
Në raundin e fundit ai duhej të zgjidhte mes Ronaldos dhe ish-shokut të tij të skuadrës Karim Benzema dhe Camavinga zgjodhi bashkatdhetarin francez si “Më të Mirin”.
Dyshja fitoi shumë së bashku te Real Madrid, pavarësisht se luajtën bashkë për vetëm dy sezone. Në të parin, ata fituan La Liga, Champions League, Superkupën e UEFA-s dhe Botërorin për Klube. Vitin e kaluar, Copa Del Rey dhe suksesi në Superkupën e Spanjës.
