Xavi Hernandez bëri të ditur mbrëmë se po largohet nga pankina e Barcelonës në fund të këtij sezoni dhe se nuk do të qëndrojë deri në fund të kontratës.
Tashmë ka shumë spekulime se kush mund të jetë trajneri i ri i klubit katalanas dhe lojtarët e kanë preferencën se kush duan t’i udhëheqë nga sezoni i ardhshëm.
Sport shkruan se lojtarët e Barcelonës tashmë kanë gjetur kandidatin e tyre dhe se dihet se kë duan si trajner të ri të klubit katalanas.
Dyshohet se ata i kanë thënë qartë Joan Laportës se Luis Enrique do të ishte zgjidhja ideale, por kjo nuk do të jetë e lehtë për t’u arritur duke qenë se specialisti spanjoll aktualisht është i angazhuar në PSG.
