Në ndeshjen hapëse të javës së 22 në Kategorinë e Parë, Vora nuk gaboi në fushën e saj përballë Apolonisë. Vendasit fituan me rezultatin 1-0, teksa heroi për Vorën ishte Jasmin Raboshta.
Sulmuesi gjeti rrugën e rrjetës në minutën e 44 të pjesës së parë, një gol që mbeti më pas në fuqi për të gjithë takimin.
Pas këtij trepikëshi, Vora konsolidoi pozitat në grupin kryesues të kampionatit duke u ngjitur në kuotën e 42 pikëve në vend të tretë.
Nga ana tjetër, Apolonia mbetet me 32 pikë në vend të pestë, me fierakët që regjistruan edhe ndeshjen e tretë radhazi pa fitore.
