Aventurë e keqe për anësoren në ndeshjen e La Ligës në 'Benito Villamarin', vendimi i drejuesit të ndeshjes është i bujshëm
Guadalupe Porras ishte protagoniste e një momenti të tmerrshëm në ndeshjen mes Real Betisit dhe Athletic Bilbao.
Ishte pikërisht momenti i golit të parë të ndeshjes(Real Betis-Bilbao 3:1), kur ndodhi dhe incidenti.
Duke vrapuar përgjatë vijës anësore, përgjatë zonës së saj të përgjegjësisë, asistentja e arbitrit u përplas me një kamerë dhe pësoi një dëmtim në fytyrë.
E gjakosur, Porras u ndihmua nga stafi mjekësor dhe më pas u largua nga fusha e lojës për të mbërritur tek ambulanca e pranishme në stadium.
Megjithatë, kameramani fillimisht u qortua nga arbitri Cuadra Fernandez për faktin se ishte afruar shumë pranë fushës. Gara, megjithatë, u ndërpre për disa minuta para se të rifillonte.