Siç bëhet e ditur nga gazetari i njohur, Fabrizio Romano, gjiganti anglez Liverpooli e dëshiron me çdo kusht rikthimin e Michael Edwards në klub.
Pronarët e Liverpoolit dëshirojnë t’i japin edhe një shans opsionit për ta rikthyer ish-drejtorin sportiv, Edwards në klub.
FSG dëshiron që Edwards të marr përsipër kontrollin e futbollit dhe të përpiloj një plan të ri, që përfshin edhe drejtorin e ri sportiv.
Edwards momentalisht nuk ka treguar ndonjë shenjë që mund të thotë po, por Liverpooli do të provojë sërish.
FSG e ka kuptuar që profili i drejtorit sportiv që ata po e kërkojnë ka ndryshuar. Më parë, ata po kërkonin dikë që i përmbush nevojat e Klopp, por tani ata po kërkojnë dikë që të merr përsipër drejtimin e të gjithë klubit.
