Dy tifozë të Brightonit janë therur me thikë dhe u grabitën pranë Koloseut në Romë mbrëmjen e djeshme, në prag të ndeshjes së Ligës së Evropës kundër Romës.
“Gazetta dello Sport” pretendon se policia u lajmërua nga një punonjës i një restoranti nëpërmjet Monte Polacco, dhjetë minuta në këmbë nga Koloseu, monumenti më ikonë i Romës.
Tifozët e Brightonit, 28 dhe 29 vjeç kishin hyrë në restorant për të kërkuar ndihmë pas një agresioni të kryer nga gjashtë apo shtatë persona me kapuç. Mbështetësit anglezë u goditën me thikë në këmbë dhe u grabitën kuletat dhe dokumentet.
Tifozët anglezë u dërguan në spital dhe janë jashtë rrezikut për jetë, përcjellë KosovaPress.
Nga hetimet paraprake të kryera nga Policia italiane dyshohet se sulmi nuk është kryer nga ultras romak.
