Tërmet tek Ajax: presidenti dhe drejtori i përgjithshëm i klubit Alex Kroes është pezulluar nga klubi, i cili, siç zbulohet, synon të ndërpresë përfundimisht bashkëpunimin me të.
Bordi Mbikëqyrës i Ajax zbuloi se sipërmarrësi bleu 17,000 aksione në klub një javë përpara emërimit të tij, që daton në 2 gusht 2023.
Në deklaratë, Ajax thekson se “Këshilli Mbikëqyrës ka përdorur këshilla të jashtme ligjore, gjë që tregon se ka shumë të ngjarë të ketë kryer insider trading (blerja e aksioneve nga zotërimi i informacioneve konfidenciale). Kjo është vepër penale”.
Presidenti i Bordit Mbikëqyrës të Ajax, Michael van Praag foli gjithashtu për këtë çështje:
“Ne jemi të befasuar në mënyrë të pakëndshme që kjo po ndodh tani tek Ajax, sepse është shumë negative për klubin dhe të gjithë ata që kujdesen për të. Veprimet e Alex Kroes nuk janë në përputhje me atë që po bëjmë tek Ajax.
“Momenti kur bleu aksionet do të thotë se kishte informacion të brendshëm, një kompani e listuar nuk mund të tolerojë një shkelje të tillë të ligjit, veçanërisht nëse ka të bëjë me CEO.
“Pas një diskutimi të kujdesshëm, Bordi Mbikëqyrës ka arritur në përfundimin se pozicioni i Alex si anëtar i bordit të drejtorëve të Ajax nuk është i qëndrueshëm.
“Mendoj se është e rëndësishme të shtoj se politika teknike do të çohet përpara me njerëzit që kemi dhe në rrugën që Ajax ka marrë tashmë me Alex”.
