Trajneri i Atalanta-s, Gian Piero Gasperini foli për mediet në prag të ndeshjes së dytë gjysmëfinale të Europa League ndaj Marseille, më përballjen e parë mes tyre që u mbyll me barazimin 1-1.
Në fjalën e tij trajneri italian theksoi se në qytet ka një atmosferë që i shton emocionet për këtë përballje.
“Ajo që ndjen në qytet është e jashtëzakonshme, frikë, pritje dhe emocion, është diçka ndryshe nga ndeshja.
Nëse jam i shqetësuar për këtë gjë?
Jo, kjo është një nxitje për më shumë, aq më tepër kur arrin në këto takime duhet ta prezantosh veten në mënyrën më të mirë të mundshme”-tha fillimisht ai.
Ndeshja Atalanta-Marseille luhet të enjten në orën 21:00.
