Naser Aliji prej muajsh stërvitej me ekipin e Ligës së tretë zvicerane FC Baden. Ky është ekipi i parë në karrierën e Alijit dhe është ekipi i qytetit ku Aliji është rritur dhe familja e tij jeton akoma aty.
Por, përse Naser Aliji vendosi të rikthehej aty, arsyeja është e trishtë dhe këtë Naseri e shpjegoi në një intervistë për Blick.ch.
“Pasi më mbaroi kontrata me Virtus Entella kisha disa oferta, por vendosa të rikthehem te FC Baden për të qëndruar pranë familjes. Babai im u diastignifikua me kancer dhe vendosa që këto muaj të fundit të jetës së tij të qëndroj pranë babait, i cili fatkeqësisht ndërroi jetë para 4 ditësh”, u shpreh Aliji.
Albania Team i shpreh ngushëllime Alijit dhe gjithë familjes Aliji dhe dëshirojmë që ai të rikthehet më i fortë se kurrë.
