Emri i Ernesto Valverde nuk është pozicionuar mirë. Revista “Four Four Two” ka nxjerrë një listë me 50 trajnerët më të mirë në botë dhe pozicioni ku ndodhet spanjolli ka nervozuar ambientet e Barçës.
Spanjolli, në fakt, është renditur i dhjeti. Para tij ndodhen Nagelsmann apo Sarri, të cilët nuk kanë fituar asnjë trofe te Hoffenheim dhe Chelsea apo edhe te Napoli. Më mbrapa renditen emra të njohur, si Antonio Conte, Unai Emery, Thomas Tuchel apo Mourinho.
Vendi i dhjetë është pak për trajnerin e një ekipi kandidat për të fituar gjithçka. Gjithsesi, ai ka gjithë sezonin përpara për të treguar se “Four Four Two” ka gabuar.
