Ambasadori i Kosovës në Gjermani, Beqë Cufaj, ka shprehur ngushëllime për vdekjen e Naim Zabërgjës, babait të Dijamant Zabërgjës, i cili u vra në korrikun e vitit 2016 në një sulm terrorist në shtetin gjerman.
Përmes një telegram ngushëllimi, Cufaj, ka thënë se nga dhembja dhe tragjedia, humbja e Diamantit dhe shuarja e sotme e Naimit, nuk mund të përshkruhen me fjalë.
Ai i ka shprehur ngushëllime familjarëve, të afërmëve dhe miqve të familjes Zabërgja.
Në sulmin e terroristit David Sonboly me datën 22 Korrik 2016 pranë Stadiumit Olympia në Munih të Bavarisë, iu vra djali i vetëm, Dijamant Zabërgja.
Sot, 3 vite mëpas, ndërroi jetë babai i tij, Naim Zabërgja!
Humbja e Dijamantit dhe shuarja e sotme e Naimit, nuk mund të përshkruhen me fjalë. Nga Dhembja. Nga Tragjedia!
U bashkofshi në Qiell, Diamant dhe Naim Zabërgja!
Ngushëllimet më të sinqerta për familjarët e mbetur, të afërmit dhe miqtë
