Detaji tmerrues: Çka bëri 51-vjeçari nga Kosova pasi vrau gruan dhe vajzën - publikohet emri i çiftit

Gjermania

Detaji tmerrues: Çka bëri 51-vjeçari nga Kosova pasi vrau gruan dhe vajzën - publikohet emri i çiftit

Nga: A.Zh Më: 17 dhjetor 2020 Në ora: 20:42
Pamje nga vendi i ngjarjes

Detaje të reja janë publikuar nga mediat gjermane për tragjedinë në familjen shqiptare në Isselburg në Gjermani, ku mbeten të vdekur tre persona.

“Bild” raporton se burri 51-vjeçar nga Kosova, ka vrarë gruan e tij (46-vjeçare) dhe vajzën e tij (17-vjeçare), ndërsa më pas ka varur veten në litar në verandën e shtëpisë.

Ndërsa, vajza tjetër (14-vjeçare) e çiftit nga Kosova, ka shpëtuar, pasi ishte fshehur në një dhomë të mbyllur nga jashtë, përcjell Bota sot.

"Sipas gjetjeve fillestare, burri 51-vjeçar donte të vriste gruan e tij dhe dy fëmijët e tyre", tha Kryeprokurori Publik Martin Botzenhardt.

Asami S. e kishte thirrur një të njohur që jetonte shumë larg dhe i kishte thënë se ai i kishte bërë diçka familjes së tij. Dëshmitari menjëherë lajmëroi policinë, por oficerët u vonuan.

Vajza e madhe e çiftit (21-vjeçare) jeton në një qytet tjetër.

Policia e Münster mori me përpikmëri gjurmët e krimit deri në mbrëmje.

Tani është e qartë se Elfete S. (punonte në një kompani të shtretërve) donte të ndahej me burrin e saj. Raportohet se çifti jetonte veçmas. Burri për herë të fundit jetoi në një dhomë në bodrum. Ka dy kuti postare në hyrje të shtëpisë me tulla të kuqe.

Për krimin është rrëfyer edhe një fqinj (37-vjeçar).

“Unë pashë vajzën e mesme së fundmi. Është thjesht e pabesueshme. Si mundet që një burrë të bëjë një gjë kaq të tmerrshme ndaj familjes së tij?”, ka thënë ai.

 

”Elfete S. ka qenë shumë larg për shëtitje me motrën e saj kohët e fundit - nëna e tre fëmijëve dukej shumë serioze dhe e dëshpëruar”, raportojnë fqinjët.

Trupat e tre personave të vrarë u transferuan në mjekësinë ligjore pasdite. Hetimi po vazhdon./BS

commentFirst article
Sot mund të lexoni Shfletoni kopertinat