Mjeku shqiptar e vaksinon personin e parë në Berlin kundër COVID-19

Gjermania

Mjeku shqiptar e vaksinon personin e parë në Berlin kundër COVID-19

Më: 27 dhjetor 2020 Në ora: 14:25
Gertrud Haase është vaksinuar nga mjeku shqiptar Fatmir Dalladaku

Qytetarja 101-vjeçare Gertrud Haase është bërë e parja në Berlin që ka marrë vaksinën anti-Covid të Pfizer/BioNtech.

Në shumicën e Gjermanisë sot ka nisur vaksinimi kundër COVID-19.

Haase është vaksinuar në shtëpinë e kujdesit “Agaplesion Bethanien Sophienhaus” nga mjeku shqiptar Fatmir Dalladaku, ndërsa vaksinimi u bë në prani të senatorit të Shëndetësisë, Dilek Kalayci, shkruan “Berlin.de”.

“Nuk po ndjej gjë, edhe marrja e vaksinës shkoi mjaft mirë. Nuk ndjeva asgjë. Është përparësi e madhe për ne këtu që do të vaksinohemi”, ka deklaruar Haase.

Sipas autoriteve shëndetësore të Berlinit, fillimisht do të jepen 9750 vaksina anti-Covid në këtë vend.

Shfaq komentet
comments powered by Disqus
Sot mund të lexoni Shfletoni kopertinat