Drejtoria rajonale e Policisë Gjilan, njësia rajonale e komunikacionit rrugor përmes një komunikate drejtuar mediave kanë njoftuar se gjatë periudhës kohore 16.06.2023-22.06.2023 në vazhdën e implementim i planit operativ “Siguria në trafikun rrugor” kanë realizuar aktivitete në zonën e përgjegjësisë që mbulon shtatë komuna.
Në njoftimin e bërë për media thuhet se, gjatë kësaj periudhe janë shqiptuar njëmijë e nëntëqind e shtatëdhjetë e shtatë (1977) gjoba për kundërvajtësit të cilët kanë rënë ndesh me ligjin për rregullat e trafikut rrugor.
Po ashtu në kuadër të këtij plani janë ndërmarr aktivitete edhe në:
• Hetim i katërmbëdhjetë (14) aksidenteve të komunikacionit me dëme materiale,
• Hetim i katër (4) aksidenteve të komunikacionit me të lënduar,
• Konfiskuar shtatëmbëdhjetë (17) patentë shofer,
Më tej në njoftim thuhet se njësitet policore të drejtorisë rajonale të Policisë Gjilan kanë mbajtur dhe vazhdojnë të mbajnë pika të shumta të kontrollit të automjeteve me qëllim të prezencës sa më të madhe në terren dhe parandalimit të aksidenteve të komunikacionit rrugor, me theks të veçantë të aksidenteve me fatalitet.
