Skuadra e Çairit është në mesin e katër skuadrave më të mira në turneun final të Kupës së Maqedonisë së Veriut.
Skuadra shqiptare e drejtuar nga kryetrajneri Basri Latifi këtë sezon janë në formë, ku në Kupë i kaluan lehtësisht pengesat e kaluara.
Latifi beson se motivimi i hendbollisteve do të jetë vendimtar në duelin me Vardarin.
Deri më tani Çairi nuk ka luajtur asnjëherë në finale.
“Vardarin e njohim mirë, do të vendosë mbrojtja”, tha Latifi për mediumin maqedonas “24rakomet”.
Çairi dhe Vardari luajtën dy ndeshje këtë sezon. E para përfundoi në barazim 29:29, ndërsa e dyta u festua nga skuadra e Çairit me rezultat 33:30.
Ndeshja ndërmjet Vardarit dhe Çairit do të luhet sot në ora 17:00 në KS “Boris Trajkovski”, ndërsa në finale i pret Gjorgje Petrov. Finalja luhet të dielën në ora 16:00.
