Për një shikim të mprehtë parandalimi i degjenerimit makular lidhur me moshën është thelbësor.
Degjenerimi makular është një sëmundje që errëson shikimin qendror dhe është shkaku më i zakonshëm i humbjes së shikimit, duke prekur deri në 11 milionë njerëz mbi moshën 50-vjeç.
Studimet kanë treguar se ekzistojnë tri zakone që mund të shmangin degjenerimin makular me kalimin e moshës.
Një omëletë ose vezë të fërguara për mëngjes ndihmojnë në mbrojtjen e shikimit tuaj. Përbërjet luteinë dhe zeaksantinë, të cilat janë të bollshme në të verdhat e vezëve, sigurojnë mbrojtje të fuqishme të retinës së syrit.
Shkencëtarët australianë kanë zbuluar se konsumimi i dy deri në katër vezë në javë zvogëlon shanset e degjenerimit makular të lidhur me moshën deri në 62 për qind. Ushqime të tjera të pasura me këto përbërje janë spinaqi, brokoli dhe shpargu.
Ju gjithashtu mund të zvogëloni rrezikun e degjenerimit makular të lidhur me moshën duke marrë 600 deri 800 IU (njësi ndërkombëtare) të vitaminës D.
Studiuesit nga Universiteti i Buffalo thonë se vitamina D mbron nga pezmatimi i dëmshëm dhe kontribuon në luftën kundër formimit të enëve anormale të gjakut në retinë, të cilat mund të dëmtojnë shikimin. Konsultohuni me një mjek para se të merrni vitaminën D.
Kimikatet natyrore të quajtura flavonoide, të cilat u japin portokajve ngjyrën e tyre, do të ruajnë shikimin e mprehtë. Në një studim të fundit australian, rreziku i degjenerimit makular të lidhur me moshën u zvogëlua me 65 për qind te njerëzit që pinin një filxhan lëng portokalli çdo ditë.
