Shenjë e cilit problem shëndetësor është kollitja e shpeshtë pas buke?

Këshilla mjekësore

Shenjë e cilit problem shëndetësor është kollitja e shpeshtë pas buke?

Më: 6 shtator 2021 Në ora: 18:48
Foto ilustrim

Sapo keni ngrënë një vakt të këndshëm dhe e gjeni veten duke u kollitur, sikur s'ka të nesërme. Kollitja sa vjen e shtohet, edhe pse ju hëngrët shumë normalisht dhe "nuk iu shkoi keq" në stomak, asnjë pjesë e ushqimit. Ndonëse kjo mund të jetë e bezdisshme, në përgjithësi është mjaft normale, por, si me çdo gjë tjetër, kur tejkalohet - dhe kollitja bëhet konstante, ndoshta ka një problem.

"Në përgjithësi, kollitja është mënyra e trupit për të pastruar rrugët e frymëmarrjes dhe "zakonisht shkaktohet nga një ngacmues në fyt ose në rrugët e poshtme të frymëmarrjes", shpjegon Youngnan Jenny Cho, asistente profesore e otolaringologjisë. “Fyti juaj mbyllet për një çast dhe presioni i ajrit grumbullohet në gjoks. Pastaj, ndërsa laringu hapet, një shpërthim ajri fluturon jashtë, duke mbajtur çdo mukus ose irritues me vete. Besojeni ose jo, një kollë e fortë mund të krijojë një erë 70 mph".

Por nëse, kollitja ndodh për çdo herë që ju hani, kjo mund të jetë për shkak të refluksit të stomakut. Ky refluks irriton faringun dhe laringun.

Kur refluksi është më i rëndë, atëherë njihet si GERD (sëmundja e refluksit gastroezofageal). Ky çrregullim tretës shoqërohet më së shpeshti me "një ndjenjë presioni ose djegie pas gjoksit dhe shije të thartë në gojë. Simptoma të tjera të GERD mund të përfshijnë dhimbje kronike të fytit dhe mukus të tepërt. Hulumtimet tregojnë se të paktën 25% e rasteve të kollës kronike - janë të lidhura me GERD.

Refluksi i patrajtuar mund të jetë mjaft serioz. Përtej kollës së bezdisshme dhe urthit, mund të bjerë në mushkëri dhe të shkaktojë bronkit kronik ose pneumoni, thotë doktor Schnoll-Sussman.

Çfarë duhet të bëni me "kollën e ushqimit"

Nëse kolla juaj është një simptomë e re, nëse është e vazhdueshme ose përkeqësohet, bëni një kontroll te mjeku. 

Për fat të mirë, nëse refluksi është shkaku kryesor, ka hapa relativisht të lehtë që mund të ndërmerrni. Hani më ngadalë dhe mos konsumoni ushqime që janë të vështira për t'u tretur natën vonë, para se të flini. Gjithashtu, pasi të keni ngrenë, mos u shtrini direkt. Të qëndroni ulur ose në këmbë, për të paktën një deri në dy orë pas një vakti mund t'ju ndihmojë shumë me tretjen më të mirë dhe me refluksin.

Edhe llojet e ushqimit ndikojnë te refluksi. Shmangia e produkteve me bazë domaten, apo pije si kola mund të shkaktojnë një lloj "gërvishtjeje" në fyt, që e irriton atë dhe shkakton kollitjen. 

Shfaq komentet
comments powered by Disqus
Sot mund të lexoni Shfletoni kopertinat