“Asistenti” me gabime drejtshkrimore nuk është pjesë e UP-së - Bota Sot
“Asistenti” me gabime drejtshkrimore nuk është pjesë e UP-së

Kosova

“Asistenti” me gabime drejtshkrimore nuk është pjesë e UP-së

Më: 22 gusht 2019 Në ora: 19:14
Në këtë postim, i cili kishte shumë gabime drejtshkrimore, personi pretedonte se ishte pranuar si asistent në degën e Gjuhës dhe Letërsisë Shqipe.

Universiteti i Prishtinës “Hasan Prishtina” reagoi ndaj qarkullimit në rrjete sociale të një postimi nga një person i cili pretendon se është i angazhuar si asistent në UP.

Në këtë postim, i cili kishte shumë gabime drejtshkrimore, personi pretedonte se ishte pranuar si asistent në degën e Gjuhës dhe Letërsisë Shqipe.

Pas përmasave që mori ky lajm, Zyra për Çështje Akademike në UP konfirmon se personi në fjalë nuk është i angazhuar në asnjë pozicion ligjërimi në Universitetin e Prishtinës.

Sipas tyre, Universiteti i Prishtinës aktualisht është në pushim kolektiv dhe rrjedhimisht, gjatë kësaj periudhe nuk është marrë asnjë vendim lidhur me angazhim të stafit akademik në kuadër të UP-së.

“Universiteti i Prishtinës, përkatësisht Fakulteti i Filologjisë, nuk ka degë të Gjuhës dhe Letërsisë Shqipe, në të cilën personi në fjalë pretendon se është angazhuar, por ka departamente të veçanta për Gjuhën Shqipe dhe për Letërsinë Shqipe”, thuhet në sqarimin e UP-së.

Sipas tyre, kjo nuk është hera e parë që publikohen shkrime të pakonfirmuara që lidhen me Universitetin e Prishtinës, të cilat synojnë dëmtimin e imazhit të UP-së.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...