Komuna e Podujevës ka marrë vendim që bizneset të punojnë gjatë këtyre dy të dielave që vijnë
Vendimi është marr me qëllim që të shmanget grumbullimi i madh të qytetarëve gjatë ditëve të tjera të javës, të cilët kryejnë furnizimet nëpër qendra tregtare e dyqane për festën e Vitit të Ri, por edhe të krijojmë lehtësira për mërgimtarët që kanë ardhur për të festuar me familjet e tyre.
Njoftimi i plotë:
Bizneset do të punojnë dy të dielat e ardhshme
Për nder të festave të fundvitit dhe duke pasur parasysh se në komunën tonë kanë ardhur një numër i madh mërgimtarësh, Drejtoria për Planifikim dhe Zhvillim Ekonomik dhe Drejtoria e Inspeksionit e Komunës së Podujevës, kanë marrë vendim që dy të dielat e ardhshme ( 27.12.2020 dhe 03.01.2021) të lejohet puna e bizneseve në territorin e komunës sonë, sipas orarit të përcaktuar nga vendimi i fundit i Qeverisë së Kosovës.
Vendimi është marrë me qëllim që të shmanget grumbullimi i madh i qytetarëve gjatë ditëve të tjera të javës, të cilët kryejnë furnizimet nëpër qendra tregtare e dyqane për festën e Vitit të Ri, por edhe të krijojmë lehtësira për mërgimtarët që kanë ardhur për të festuar me familjet e tyre.
Përjashtim nga ky vendim bëhet vetëm për barnatoret, të cilat vazhdojnë të punojnë me kujdestari.
