Për sakrificën dhe heroizmin e familjes Jashari kanë dëgjuar dhe është shkruar nga të gjitha anët e botës.
Mirëpo ky flijim i familjes Jashari nga Prekazi Heroik ka bërë që të bëhet edhe temë studimi në shtetin e Zvicrës.
Shkrimtarja Elmedina Buja, kohë më parë kishte diplomuar në gjimnazin e Baselit në Zvicërr, me temën për heroizmin e familjes Jashari, ndërsa kryetari i komunës së Skënderajt, Bekim Jashari, përmes një postimi ka njoftuar se tani ajo ka botuar edhe librin e saj me titull “Prekazi Altari i Lirisë".
Postimi i plotë:
Sot prita në Kompleksin Memorial “Adem Jashari”, në Prekaz shkrimtaren e re Elmedina Buja, e cila pasi kishte marrë për temë diplome në gjimnazin e Baselit në Zvicërr, heroizmin e familjes Jashari, tani ka botuar librin e saj me titull “Prekazi Altari i Lirisë”.
Ajo sot Kompleksit Memorial “Adem Jashari”, i dhuroi 80 kopje të librit të saj, 40 në gjuhen shqipe dhe 40 në gjuhen gjermane, libra këto që do të ipen falas për vizitorët e interesuar.
Përmes punës së saj si shkrimtare në diasporë, Elmedina po njofton shoqerinë zvicrane për luftën dhe rezistencën e familjes Jashari dhe popullit tonë në përgjithësi.
Ambasadorë të rinj në shtetet tjera si Elmedina Buja, i nevojiten Kosovës në mënyrë që të vihet në pah pastertia e luftës së Ushtrisë Çlirimtare të Kosovës.