Ka më shumë se tre javë që banorët e fshatit Siqevë të Klinës po përballen me mungesë të ujit.
Ata thonë se si pasojë, po detyrohen që ujin ta sigurojnë në forma të ndryshme për shfrytëzimin e ujit të pijshëm dhe për nevojat e tjera.
Disa prej tyre, kanë filluar edhe me hapjen e rezervuarëve me vetëfinancim.
Siqevasit i thanë Klanit se janë adresuar disa herë tek komuna dhe kompania që e bën furnizimin, mirëpo janë injoruar.
Ndërkaq nga Kompania Rajonale e Ujësjellësit “Hidrodrini” thonë se kjo po ndodhë për shkak të relievit gjeografik.
Në anën tjetër, nga Komuna njoftojnë se problemi pritet të sanohet deri në fund të vitit 2021.
