Deputetja e PDK-së, Ariana Musliu Shoshi në një postim të saj në Facebook ka reaguar për gjendjen e krijuar në vend për shkak të pandemisë me virus.
Ajo shkruan se sot është rekord i zi, ditë e rëndë për Kosovën.
Sipas saj, dikush duhet të jap përgjegjësi për këtë situatë, e përgjegjësit kanë emra në qeveri.
Postimi i plotë:
Rekord i zi i vdekjeve nga Covid-19! Ditë e rëndë për Kosovën! Kolegët e Ministrit Arben Vitia përveç heqjes së kapelës, mirë është me pa realitetin e me nxjerr edhe mindilin me i fshi lotët bashkë me qytetarët e këtij vendi që humbën më të dashurit e tyre!
Dikush duhet të jap përgjegjësi për këtë situatë. E përgjegjësit kanë emra në Qeveri.
Ngushllime për 36 familjet e viktimave, ndërsa lutja ime për institucionet është të sigurojnë vaksina e të rrisin qendrat e vaksinimit.
I lus të gjithë qytetarët që secili të shtoj kujdesin, të vaksinohet dhe të ruaj veten nga ky virus vdekjeprurës.