Agjencia e Statistikave të Kosovës (ASK) ka publikuar bilancin i energjisë për tremujorin e tretë 2021.
Vlera e gjithmbarshme e prodhimit të thëngjillit gjatë kësaj periudhe ishte rreth 1.88 milionë ton, ndërsa sasia bruto e energjisë elektrike, e prodhuar në termocentrale ishte 1 358.2 GWh dhe në hidrocentrale rreth 41.1 GWh.
Gjatë kësaj periudhe janë importuar 919.9 GWh energji elektrike, derisa janë eksportuar 841.7 GWh energji elektrike.
Në tremujorin e tretë 2021, sasia e energjisë elektrike për konsum ishte 1 125.9 GWh energji elektrike, ose 23.11 për qind më shumë se në periudhën e njëjtë të vitit të kaluar.
