Prokurori i Shtetit ka bërë të ditur se gjatë 24 orëve të fundit nga prokuroritë themelore janë ngritur 65 aktakuza për vepra të ndryshme penale, ku përfshihen 72 persona.
Lajmi u bë i ditur përmes raportit 24 orësh të Prokurorisë së Shtetit, ku thuhet se tri prej tyre janë për dhunë në familje.
Në raport thuhet se me urdhër të prokurorëve, 16 persona janë ndaluar për 48 orë, të dyshuar se kanë kryer vepra të ndryshme penale dhe janë bërë 5 kërkesa për caktim të paraburgimit ndaj 5 personave, të dyshuar për vepra të ndryshme penale.
Gjatë 24 orëve të fundit, Prokuroria Themelore në Gjilan ka ngritur dy aktakuza kundër dy personave për veprën penale “Dhuna në familje”.
Ndërsa, Prokuroria Themelore në Ferizaj ka ngritur një aktakuzë kundër një personi për “Dhunë në familje”.
