Policët ushtarakë të KFOR-it dhe ata të Kosovës të premten i bëri bashkë një trajnim.
Mbledhja medoemos qe e shkurtër, pasi ata që ushtruan vërtetë ishin qentë pasi brenda bazës së zjarrfikësve në Bondsteel u praktikua gjetja e eksplozivëve.
Sipas shefit të operativës së Njësisë K9 të Policisë së Kosovës, Minush Krasniqi, trajnimin me KFOR-in e bëjnë vetëm për kërkim të eksplozivëve dhe armëve ngaqë amerikanët nuk posedojnë katërkëmbësh për kërkim të narkotikëve.
Ekipi K9 i Kosovës nga ushtria aleate merr veti të ndryshme si aftësia e kërkimit, indikacionet që duhet dhënë qenve dhe si shpërblehen. Ushtrimet janë më sfiduese pasi qentë e dy ushtrive dallojnë.
“Njësia K9 e PK ka qenë për kërkim ekzplozivësh dhe patrullim, për dallim nga qentë e ushtrisë amerikanë që janë të trajnuara për t’i bërë të dyja njëherësh”, thotë Kyle Johnson, pjesëtar i policisë ushtarake amerikane.
Megjithëkëtë policia e Kosovës ka afër 40 qenë të mirë-ushtruar, të disa llojeve.
“Njësia K9 e PK ka pastor gjerman, pastor belg dhe kokërr spanjoll për kërkimin e narkotikëve, muj me thanë që kanë jap indikacion për 500 kg drogë në një kamion me policolor”, tregoi rreshter Krasniqi.
Veç këso trajnime, amerikanët nuk ndihmojnë edhe në teren. Pjesëtari i Policisë Ushtarake Antonio Rodriguez, tregoi se operacionet e tyre i zhvillojnë vetëm brenda kampit.
“Ne nuk dalim jashtë me Policinë e Kosovës apo ndonjë forcë tjetër, por vetëm brenda ushtrisë tonë apo me ushtritë tjera të misionit si me austriakët dhe gjermanët.”
Trajnimi që Klan xhiroi ekskluzivisht bëhet në fakt në baza mujore.
K9 e Kosovës angazhimin e fundit e pati në ditën e pavarësisë për të parë nëse dikush vendosi mjete të rrezikshme para se këta vetë të parakalonin me kolegët tjerë të forcave.
