Sulmi i Rusisë në Ukrainë është dënuar gjerësisht në Kosovë, e cila u është bashkuar sanksioneve ndërkombëtare kundër Moskës.
Disa qytetarë me të cilët bisedoi korrespondentja jonë në Prishtinë, Edlira Bllaca, thonë se situata në Ukrainë u ka rikthyer kujtimet e luftës së vitit 1999, e cila mori fund me ndërhyrjen e perëndimit.
Disave prejt tyre iu kujtohet kur u detyruan të largohen nga shtëpitë për shkak të situatës së rëndë të krijuar nga forcat serbe dhe thonë se lufta në Ukrainë është e pakuptimtë dhe shoqërohet me vuajtje për qytetarët e pafajshëm.
Ata kërkojnë që fuqitë botërore t'i vijnë në ndihmë Ukrainës. Sidoqoftë, ata ndjehen të sigurtë në Kosovë për shkak të pranisë së NATO-s./VOA
