Instituti Hidrometeorologjik i Kosovës ka njoftuar se vendi ynë do të vazhdojë të mbetet nën ndikimin e masave të fuqishme anticiklonike të cilat janë stacionuar mbi gadishullin e Ballkanit që nga java e dytë e muajit.
Kjo situatë meteorologjike do të kushtëzojë mot kryesisht me diell dhe të qëndrueshëm.
Temperaturat do të rriten në të dy vlerat ekstreme. Minimalet do të lëvizin ndërmjet -1 deri 2 gradë Celsius, ndërsa temperaturat maksimale parashihen të lëvizin ndërmjet 11-16 gradë Celsius.
Do të fryjë erë e lehtë deri mesatare nga drejtimi i jugut dhe jugperëndimi.
