Sot gjatë ditës, ministri i MAPL-së, Elbert Krasniqi me bashkëpunëtorë ishte për vizitë tek familja e Jeton Tarllamishaj nga fshati Rudicë, Klinë, të cilës para dy ditëve i’u dogj shtëpia e tyre, por fatmirësisht kishte vetëm pasoja materiale.
Familjes në fjalë, falë vullnetit të mirë i është siguruar strehim i përkohshëm nga bashkëfshatarët.
Ministri premtoi që së bashku me bashkëpunëtorë do të ndjekë rrugë institucionale për t’i ndihmuar familjes në fjalë.
Vizita nuk ishte e kufizuar vetëm tek kjo familje. Ministri vizitoi edhe familje të tjera në kushte të rënda ekonomike.
