Ministrja e Drejtësisë, Albulena Haxhiu, mori pjesë në takimin e parë të grupeve punuese për Reformën në Drejtësi.
Në këtë takim njoftues, u diskutua për rëndësinë që ka ky bashkëpunim ndër-institucional.
Takimi pati për qëllim të orientojë dhe dakordojë edhe afatet optimale dhe fillimin e punës.
Për këtë, më shumë detaje ka dhënë në Info Magazine, shefi i kabinetit të ministres Haxhiu, Genc Nimoni.
Ai tha se kjo reformë përfshinë tri institucionet kryesore, Ministrinë e Drejtësisë, Këshillin Gjyqësor të Kosovës dhe Këshillin Prokurorial të Kosovës.
Nimoni u shpreh tutje se ky projekt, është planifikuar të ndodhë në dy faza, derisa përmendi specifikisht muajt në të cilët parashihet të veprohet me grupet punuese.