Instituti për studime të luftës hibride Octopus këtë të premte do të mbajë konferencën e parë, me temën “Ekstremi i djathtë evropian dhe ndikimi në Ballkan”.
Konferenca, e titulluar "Ngritja e së djathtës ekstreme në Evropë dhe Balkan: Sfondi historik, ideologjia, ndikimi politik dhe potenciali i rritjes", do të fillojë në ora 10:00.
Konferenca synon të ofrojë një eksplorim gjithëpërfshirës të aspekteve të shumanshme që lidhen me shfaqjen dhe rritjen e së djathtës ekstreme në Evropë.
Në njoftim thuhet se kjo konferencë do të mbledhë studiues, politikëbërës dhe akademikë të shquar nga disiplina të ndryshme, duke nxitur një mjedis për mundësi shkëmbimi të hapur dhe rrjetëzimi.
Pjesëmarrës do të jenë drejtori i Institutit Octopus, Agim Musliu, gazetari malazez Ljubomir Filipoviq, avokati serb Cedomir Stojkoviq, si dhe hulumtuesit e lartë të institutit Octopus Arta Haxhixhemajli dhe Taulant Elashani.
