Ministri i Infrastrukturës, Liburn Aliu ka njoftuar se janë duke vazhduar punimet për fazën e dytë të linjes hekurudohore të 10-të Fushë Kosovë – Mitrovicë.
Siç ka njoftuar Aliu, tashmë punimet po vazhdojnë drejt Vushtrrisë.
“Punimet për fazën e dytë të linjës hekurudhore të 10të, Fushë Kosovë – Mitrovicë, me gjatësi prej 34 km, po vazhdojnë me ritme të shpejta.
Tashmë po vazhdojmë me punime drejt Vushtrrisë, ku po bëjmë vendosjen e Binarëve dhe Traversave, si dhe paralelisht po punojmë në rehabilitimin dhe modernizimin e stacioneve hekurudhore”, thotë ministri.
