Mungesë e barnave, ikje e personelit shëndetësor, ankesa të shumta të pacientëve, e lista të gjata të pritjes. Këto janë disa nga problemet, të cilat e kanë përcjellë dhe këtë vit shëndetësinë kosovare.
Por ministri i Shëndetësisë Arben Vitia, shprehet i impresionuar këtë fundvit, me punën që po bëhet në disa klinika të QKUK-së.
Megjithëse thotë se është i kënaqur me punën që është bërë nga koha kur ai është ministër, pohon se ka akoma shumë telashe në shëndetësi.
Ndërsa thekson se po hyjnë në një proces të reformave dhe se nuk do të ketë kthim mbrapa.
