Vazhdojnë punimet në shtëpinë e kulturës "Ukë Bytyçi" në Suharekë.
Ministria e Kulturës, Rinisë dhe Sportit ka njoftuar se me intensitet të lartë po zhvillohen punimet në shtëpinë e kulturës "Ukë Bytyçi" në Suharekë.
Me investimin e MKRS-së në vlerë prej 2.7 milionë euro, projekti parasheh hapësira të reja të projektuara për të shërbyer si një qendër vitale dhe platformë e përshtatshme për artistët dhe artdashësit e rajonit, për të ndarë dhe zhvilluar interesat e tyre në fushën e kulturës.
“Përtej hapësirës fizike, qendra do të inkurajojë bashkëpunimin, kreativitetin dhe ndërveprimin ndërmjet komunitetit”, thuhet në njoftim.
