Punëtorët teknikë dhe ata të sigurimit fizik të Universitetit të Prishtinës dhe Qendrës Studentore, hyjnë në grevë për shkak të pagave të ulëta. (Universiteti i Prishtinës dhe Qendra Studentore, ora 07:00)
Vazhdon procesi gjyqësor ndaj Thaçit dhe të tjerëve. (Gjykata Speciale në Hagë, ora 09:00)
Kryeministri i Kosovës, Albin Kurti, dhe ministri i Administrimit të Pushtetit Lokal, Elbert Krasniqi, mbajnë takim me kryetarët e komunave. (Hotel “Internacional Prishtina”, ora 09:00)
Themelohet Fintech Kosova (FIKS), që do të udhëheq revolucionin e teknologjisë financiare në Kosovë, me iniciativë të Odës Ekonomike Gjermano-Kosovare dhe kompanive Numarics, OneFor, Paysera dhe Sëinto. (Hotel Garden, ora 10:00)
Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione njofton lidhur me çështjen e përfundimit të akteve nënligjore në bazë të Ligjit për mbrojtjen e fëmijës; Të ftuar përfaqësuesit e MASHTI-t, MD-së dhe KGJK-së. (Kuvendi i Kosovës, salla N303, ora 10:00)
Drejtori i Agjencisë së Kosovës për Inteligjencë, Petrit Ajeti raporton në Komisionin për Mbikëqyrjen e Agjencisë së Kosovës për Inteligjencë. (Kuvendi i Kosovës, salla N302, ora 10:00)
Ministri i Financave, Punës dhe Transfereve, Hekuran Murati raporton në Komisionin për Buxhet, Punë dhe Transfere. (Kuvendi i Kosovës, salla C203, ora 11:00)
Mbahet mbledhja e Kryesisë së Kuvendit të Kosovës. Në rend dite janë pikat e papërfunduara nga seancat e mbajtura më 8 dhe 14 shkurt 2024. (Kuvendi i Kosovës, salla C301, ora 13:00)
Komiteti Olimpik i Kosovës (KOK) organizon ceremoninë e përzgjedhjes së Laureatëve 2023. (Klan Arena, ora 20:00)
