Një person është arrestuar në Suharekë, pasi kishte sulmuar fizikisht vëllain e tij duke i shkaktuar lëndime të lehta trupore.
Viktima është dërguar për tretman mjekësor, ndërsa i dyshuari me urdhër të prokurorit është dërguar në mbajtje.
Ndërsa, në Ferizaj, janë arrestuar baba dhe vëllai i viktimës, pasi ata kishin sulmuar këtë të fundit, duke i shkaktuar lëndime trupore në këmbë.
Të dyshuarit janë arrestuar ndërsa viktima është dërguar për tretman mjekësor. Në konsultim me prokurorin njëri prej të dyshuarve është dërguar në mbajtje, ndërsa i dyshuari tjetër është liruar në procedurë të rregullt.
